കാത്തിരിപ്പ്‌....
ഭയാശങ്കയേതുമില്ലാതെ സര്‍വ്വദാ
ജീവിച്ചിരുന്നു പല മാനവര്‍ ഭൂമിയില്‍
എത്രയോ പുനര്‍ജ്ജന്മത്തിലാണത്രെ
ഈ മര്‍ത്യ ജന്മം ഭൂവില്‍ ജനിച്ചത്‌
എന്തിനെന്നറിയാത്തൊരീ പാച്ചിലില്‍
എന്തിനീ ത്വര, കത്തിജ്വലിക്കുവാന്‍?
ഒരു രുദ്ര വീണയും മീട്ടിയെന്‍ ഹൃത്തിന്റെ
ജാലകവാതിലില്‍ വന്നു മുട്ടിയതെന്തിനോ?
നിദ്ര പൊയ്‌ മിഴി പാതിത്തുറന്നു ഞാന്‍
എത്ര മോഹിച്ചിരുന്നൊരുനോക്കു കാണുവാന്‍
എങ്കിലും നീ വന്നില്ലൊരിക്കലും, പൂമുഖ -
വാതില്‍പ്പടി കടന്നെന്‍ മനം പുല്‍കുവാന്‍.
ഈ ജാലകപ്പടിവാതിലില്‍ ഏകനായ്‌
നിദ്രാ വിഹീനനായ്‌ ഞാനിരിപ്പൂ
സ്വപ്ന ലോകത്തിന്റെ ഈ പടിവാതിലില്‍
ഒരു വേഴാമ്പലായ്‌ ഞാനിരുപ്പൂ.
ഒരുപാടു സ്വപ്നങ്ങള്‍ കാത്തുസൂക്ഷിക്കും
ഒരു ഭൂതവേഷമായ്‌ ഞാന്‍ മാറിയെക്കാം
എങ്കിലും നീ വന്നില്ലൊരിക്കലും, പൂമുഖ -
വാതില്‍പ്പടി കടന്നെന്‍ മനം പുല്‍കുവാന്‍.
About Me
- ശനിയന് \OvO/ Shaniyan
- ഈ ഭൂമിയിലെ സ്വര്ഗ്ഗമായി അറിയപ്പെടുന്ന നമ്മുടെ കൊച്ചു കേരളത്തിന്റെ സാംസ്കാരിക തലസ്ഥാനമായ ത്രിശ്ശിവപേരൂരിലെ പ്രശസ്തമായ മെഡിക്കല് കോളേജില് ജനിക്കാന് ഭാഗ്യം സിദ്ധിച്ച ഈയുള്ളവന്, തിരുവിതാംകൂര്, കൊച്ചി, മലബാര് എന്നീ മഹാ ദേശങ്ങളിലെ പ്രശസ്തമായ ചില വിദ്യാലയങ്ങളിലും സര്വ്വകലാശാലകളിലുമായി 'വിദ്യ' എന്ന അഭ്യാസത്തില് ബിരുദാനന്തര ബിരുദം (കമ്പൂട്ടറേമ്മാന്നെ നല്ല പാഠം പഠിപ്പിക്കുക എന്നതില്) വരെ പയറ്റി നോക്കി. കുറച്ചു കൂടെ പയറ്റണമോ വേണ്ടയോ എന്നുള്ള കൂലങ്കുഷമായ ചര്ച്ചകള്ക്കും വിചിന്തനങ്ങള്ക്കും ഇട നല്കാതെ, എന്റെ കൂട്ടത്തിലെ മറ്റു കിളികളെപ്പോലെ ഞാനും ബാംഗളൂര് എന്ന മഹാ നഗരത്തിലേക്ക് ചേക്കേറി. കാലത്തിന്റെ മാറിമറിച്ചിലില് താത്ക്കാലികമെങ്കിലും കൂടുവിട്ട് ഭൂഗോളത്തിന്റെ മറ്റേയറ്റത്ത് മാറ്റം പ്രകൃതി നിയമമാണെന്ന സത്യത്തെ പകച്ചു നോക്കുന്നു..
No comments:
Post a Comment