ഞാനൊന്നുറങ്ങട്ടെയെന്നരുള്‍ ചെയ്തിട്ടു
ക്ഷീണിതനായി വിടകൊണ്ടര്‍ക്കന്‍..
ഞാനിന്നെഴുന്നേറ്റു പോയപ്പോള്‍ കണ്ടീല
ചെഞ്ചുണ്ടില്‍ പൂവോലും മന്ദഹാസം..
ചൂടേറ്റു വാടിയ പൂവിതള്‍ കണ്ടെന്റെ
ചിത്തത്തില്‍ തെല്ലൊരു ദുഃഖഭാവം..
എന്തിനോ വേണ്ടിയെന്‍ മനമിന്നു തേങ്ങുന്നു
എന്തെന്നു തോഴീ നീ ചൊല്ലിടാമോ?
അര്‍ക്കരഥമിന്നും യാത്രചൊല്ലീടവേ
ഉള്ളു വിറച്ചുവോ തോഴി നിന്റെ?
മൃദു മന്ദഹാസം മറഞ്ഞതെന്തിങ്ങനെ
ചാരത്തു ഞാനുള്ള നേരത്തിങ്കല്‍?
കണ്ണീരണപൊട്ടി മഴയായിറങ്ങുന്നോ
സ്നേഹിതേ നിന്‍ കവിള്‍ത്തട്ടിലൂടെ?
വേനലിന്‍ ചൂടിനെ മറകെട്ടി വാര്‍ക്കുന്ന
വേനലിന്‍ ചൂടിലും മന്ദഹാസം..
തെല്ലും പരിഭവം ചൊല്ലാതെ ഞാനുമീ
വേനല്‍ മഴക്കിന്നു സാക്ഷിയായി
സ്നേഹാര്‍ദ്ര നേത്രങ്ങള്‍ കൊണ്ടെന്റെ മേലുമീ
സ്നേഹം പടര്‍ത്തി നീ നിന്നു ചെമ്മേ..
പകലോന്റെ ചൂടിനെ പാലാല്‍ കുളിപ്പിച്ച്‌
പാരിനെ കഴുകുന്ന കണ്ണീരിതാ
ജാലകപ്പടിവാതില്‍ ചേര്‍ത്തിയടച്ചിട്ടു
ഞാനും കിടക്കട്ടെ എന്റെ തോഴീ..
എന്നാല്‍, ഞാനും കിടക്കട്ടേ.....
About Me
- ശനിയന് \OvO/ Shaniyan
- ഈ ഭൂമിയിലെ സ്വര്ഗ്ഗമായി അറിയപ്പെടുന്ന നമ്മുടെ കൊച്ചു കേരളത്തിന്റെ സാംസ്കാരിക തലസ്ഥാനമായ ത്രിശ്ശിവപേരൂരിലെ പ്രശസ്തമായ മെഡിക്കല് കോളേജില് ജനിക്കാന് ഭാഗ്യം സിദ്ധിച്ച ഈയുള്ളവന്, തിരുവിതാംകൂര്, കൊച്ചി, മലബാര് എന്നീ മഹാ ദേശങ്ങളിലെ പ്രശസ്തമായ ചില വിദ്യാലയങ്ങളിലും സര്വ്വകലാശാലകളിലുമായി 'വിദ്യ' എന്ന അഭ്യാസത്തില് ബിരുദാനന്തര ബിരുദം (കമ്പൂട്ടറേമ്മാന്നെ നല്ല പാഠം പഠിപ്പിക്കുക എന്നതില്) വരെ പയറ്റി നോക്കി. കുറച്ചു കൂടെ പയറ്റണമോ വേണ്ടയോ എന്നുള്ള കൂലങ്കുഷമായ ചര്ച്ചകള്ക്കും വിചിന്തനങ്ങള്ക്കും ഇട നല്കാതെ, എന്റെ കൂട്ടത്തിലെ മറ്റു കിളികളെപ്പോലെ ഞാനും ബാംഗളൂര് എന്ന മഹാ നഗരത്തിലേക്ക് ചേക്കേറി. കാലത്തിന്റെ മാറിമറിച്ചിലില് താത്ക്കാലികമെങ്കിലും കൂടുവിട്ട് ഭൂഗോളത്തിന്റെ മറ്റേയറ്റത്ത് മാറ്റം പ്രകൃതി നിയമമാണെന്ന സത്യത്തെ പകച്ചു നോക്കുന്നു..
3 comments:
കവിത നന്നായി ശനീ :-)
“വേനലിന്‍ ചൂടിനെ മറകെട്ടി വാര്‍ക്കുന്ന
വേനലിന്‍ ചൂടിലും മന്ദഹാസം“ അത് കത്തിയില്ല.വേനലിന്റെ ചൂടിനെ എന്താണ് മറകെട്ടി വാര്‍ക്കുന്നത്? വേനല്‍‌ചൂട് തന്നെയോ?
അല്ല, കവിതക്ക് ഞാന്‍ പണ്ടേ പിന്നിലാണ്.
കവിത കൊള്ളാം, അരവിന്ദന്‍ എന്തോ ചോദിക്കുന്നു. :)
നല്ല കവിത :)
സൂര്യകാന്തിപ്പൂവ് പാടുന്നതാണോ?
Post a Comment